TABYS мыңдаған доллар салуды талап етпейді. Сіз $ 6 бастап инвестиция салып, оны тұрақты түрде жалғастыра аласыз.
- Түсінікті интерфейс жеңіл әрі оңай жолмен инвестициялауға мүмкіндік береді.
- Бастапқы жарнасыз.
- Делдалсыз.
- Инвестиция сомасы $6 басталады.
- IOS және Android-та жүктеу мүмкіндігі.
- Кез келген орында және кез келген уақыттағы сауда.
IPO (Initial Public Offering) – компания акцияларының алғашқы жария орналастыруы. Компания – эмитент өзінің акцияларын алғаш рет нарыққа шығарады және оларды көптеген инвесторлар сатып алады.
IPO компанияға әртүрлі инвесторлардан өздері үшін жеткілікті тиімді шарттарда айтарлықтай қаржы ресурстарын тартуға мүмкіндік береді. Инвесторлар компания бизнесінің шағын «үлесін» алады және іс жүзінде осы компанияның ортақ иелеріне айналады.
Tabys қосымшасында тікелей жазылым құралы жүзеге асырылды, сол арқылы бөлшек инвесторлар құнды қағаздарды сатып ала алады.
Тікелей жазылым – бұл акцияларды бастапқы орналастыру кезінде оларды эмитенттен/акционерден делдалдарсыз тікелей сатып алу туралы шарт жасасу. Тікелей жазылымды брокер немесе андеррайтерлер арқылы бөлшек сауда инвесторлары мен институционалдық инвесторлардан өтінім жиналатын әдеттегі тәсілмен қатар жүргізуге болады.
Тікелей жазылым құралы Tabys мобильді қолданбасы арқылы және/немесе Қазақстанның бүкіл өңірлеріндегі «Қазпошта» бөлімшелері арқылы барлық қазақстандықтар үшін қолжетімді болады.
Акцияларға тікелей жазылымды Tabys арқылы рәсімдеу үшін, инвестордың жеке куәлігі, банк картасы мен Интернетке кіруге болатын смартфоны болуы керек. Қызмет тәулік бойы режимінде онлайн қолжетімді болады.
Алдағы ІРО-лар шеңберіндегі тікелей жазылым үшін АІХ платформасы ІРО параметрлері ресми түрде жарияланғаннан кейін Tabys қолданбасында және Қазпоштаның 721 бөлімшесінде қолжетімді болады.
(ақша аударымы үшін клиенттің банкі алатын комиссияларынан басқа).
Мәселен, сіз америкалық акциялардың өсетініне сенесіз. 500 компанияның (бұл деген әр транзакция үшін комиссия алынатын 500 транзакция) акцияларын сатып алудың орнына сіз осы акциялар құрамына кіретін биржалық нотаны ғана сатып ала аласыз. Бір биржалық нотаның бағасы 10-нан 35$-ға дейін аралықта болады.
Таңдау өзіңізде!
iX Islamic ETN (IXI)
iX Global Emerging Markets Equities SPC Limited (IXE)
iX Global Emerging Markets Bonds SPC Limited (IXB)
iX High Yield Corporate Bond SPC Limited (IXY)
iX US High Dividend SPC Limited (IXD)
мүмкіндік беретін мобильді қосымша.
Қосымша App Store мен Play Market
арқылы қолжетімді.
Жеке деректерді толтырып, жеке куәліктегі деректерді қосыңыз, банк картасын бекітіп, смартфонның экранында қол қойыңыз.
Қайда және қанша сомада инвестициялайтыныңызды
таңдап алыңыз.
Биржалық ноталардың бағасы инвестордың капиталын арттыра отырып, өсуі мүмкін.
Биржалық ноталарды таңдаудағы негізгі пункт – базалық актив. Мәселен, алтынға салым салатын биржалық ноталар бар. Тиісінше егер алтынның бағасы өссе, биржалық нотаның да құны өседі.
Кейбір биржалық ноталар тұрақты түрде пайызын төлеп отырады. Ол пайыздың мөлшері базалық актив бойынша табысқа байланысты болады.
Сіз өзіңізге ең ыңғайлы уақытта биржалық ноталарды қосымша арқылы сата аласыз. Олар сатылғаннан кейін, ақша сіздің банктік картаңызға дәл сол күні түседі.
Егер сіздің жасыңыз 16-дан асса және ҚР азаматтығымен қатар банктік картаңыз болса, онда сіз инвестор бола аласыз.
TABYS көмегімен биржалық ноталарды сатып алу үшін арнайы қаржылық біліміңіздің болуы міндетті емес. Қосымшаның түсінікті интерфейсі мен қаржылық құралдардың қарапайым құрылымы сізге инвестициялауды оңай бастауға мүмкіндік береді.
2021 жылғы 31 желтоқсанға дейін қосымша тегін. Осы мерзімнен кейін әрбір сатып алу немесе сату үшін жасалған келісім сомасының 0,5%-ы мөлшерінде, кемінде 100 теңгеден комиссия алынады. Сіздің банкіңіз аударым үшін өз комиссияларын алуы мүмкін.
Мәселен, 2022 жылғы 1 қаңтардан бастап 100 долларлық биржалық ноталарды сату немесе сатып алу кезінде сіз 50 цент (немесе шамамен 210 теңге) мөлшерінде, оған қоса сіздің банкіңіздің комиссиясын төлейсіз.
TABYS қосымшасының басты мақсаты – коммерциялық табыс емес, Қазақстан азаматтарына қаржы нарығында инвестиция салуға мүмкіндік беру. 2022 жылғы 1 қаңтардан кейін алынатын комиссиялар бізге пайда әкелуге емес, тікелей шығынымызды жабуға бағытталған.
Қосымшада ешқандай жарнама жоқ және болмайды да.
TABYS мобилді қосымшасын «Астана» Халықаралық қаржы орталығының (АХҚО) қор биржасы Astana International Exchange Ltd (AIX) әзірлеген.
- Сізге тек қайда инвестиция салатыныңызды таңдап алу керек – мәселен, мұнайға немесе дамушы нарықтардың компанияларының облигацияларына.
- Осыдан кейін бірнеше қарапайым қадаммен биржалық нотаны сатып аласыз.
- Ақша сіздің банктік картаңыздан алынып, биржалық ноталар шотыңызға енгізіледі.
- Сіз қосымшадағы «Менің портфелім» бөлімінде өз инвестицияңыздың құнын бақылай аласыз.
Биржалық ноталар АҚШ долларында сатылады және сатылып алынады. Алайда сіздің банк картаңыз басқа валютада (мәселен, теңгеде) болуы мүмкін екенін ескере отырып, биржалық нотаны сатып алған кезде ақша сіздің банк картаңыздан банктегі бағам бойынша теңгемен алынады. Биржалық нотаны сату кезінде (сондай-ақ пайызды төлеу кезінде) сіздің банк картаңызға ақша банктегі бағам бойынша теңгемен түседі. Сіздің банк қосымша комиссиялар алуы мүмкін екенін ескеріңіз.
Сіз бір биржалық нота сатып алып, минималды сомадан бастай аласыз. Бір биржалық нотаның құны $ 10-дан 35 дейін. Қанша және қашан салым салатыныңызды өзіңіз шешесіз. Биржалық нотаға соңғы немесе қарызға алған ақшаңызды салудың қажеті жоқ. Біз инвестициялар әлемін зерттеуге кеңес береміз. Ол үлкен қаржылық мүмкіндіктердің есігін ашады, алайда қауіпті де.
Сіз тек қазақстандық банктер шығарған карталарды ғана пайдалана аласыз.
Мұндай жағдайда сіздің биржалық ноталарды сатып алу туралы өтініміңіз қабылданбайды.
Биржалық нотаны сатып ала отырып, сіз инвесторға айналасыз, сіздің құқықтарыңыз «Астана» Халықаралық қаржы орталығының заңнамасына сәйкес қорғалады.
Маңызды! Сіздің биржалық ноталарыңыздың құны өзгеруі мүмкін, бағаның өсетініне кепілдік берілмейді.
Біз сіздің банк картаңыздың деректерін сақтамаймыз – бұл деректер Visa және MasterCard авторизациялаған процессинг орталығында сақталады. Сіз өзіңіздің банк картаңыздың деректерін енгізген кезде, біз оларды көрмейміз, себебі ақпарат автоматты түрде процессинг орталығына жолданады.
Сатып алуға өтініміңіз орындалған кезде ғана сіздің картаңыздан ақша алынады (біз емес, процессингті орталық алады).
Мобильді құрылғыларды жеке өмірде де, сол сияқты кәсіби тұрғыдан да пайдалану біздің өнімдірек болуымызға мүмкіндік береді.
Мессенджер, банкинг, бизнес-қосымшалар, әлеуметтік желілер — бұл қосымшаларды қазіргі заманның өмір ырғағында күнделікті дерлік пайдаланамыз. Біз құрылғыларыңыз бен дербес деректеріңізді қорғау бойынша бірнеше ұсыныстар берігіміз келеді.
Орнатылған қоымшаларды жаңартамыз
Қаскөйлер қосымшалардағы әлсіз тұстарды үнемі іздестіріп, тауып алады да, сосын осы осалдықтарды пайдаланады. iOS пен Android-қа арналған жаңа нұсқалар үнемі шығып тұрады. Бұл жаңартуларда жаңа осалдықтар түзетілген болады. Оларды орната отырып, сіз телефонға вирус кіруі немесе сіздің деректеріңіздің ұрлануы мүмкіндіктерін азайтасыз. Үнемі жаңартуларды тексеріп және орнатып отырыңыз. Құрылғылардың көбінде автоматты жаңартуды орнату мүмкіндігі бар.
Сенімді құпиясөз орнатамыз
Интернетте өзімізді қорғау үшін қолдана алатын маңызды қадамның бірі – ол сіздің әрбір есептік жазбаңыз үшін бірегей сенімді құпиясөз пайдалану. Құпиясөзіңізді немесе оларды жасау стратегияңызды кімге де болмасын ешқашан айтпаңыз. Құпиясөз – бұл құпия ақпарат және екінші бір адамға белгілі болса, ол сенімді болудан қалады.
Вирусқа қарсы бағдарламалық жасақтаманы пайдаланамыз
Кейде біз белгісіз сілтемелерді байқамай басып қаламыз немесе біздің жүйемізге вирус жұқтыруы мүмкін бағдарламаларды орнатамыз. Вирусқа қарсы бағдарлама осындай қателіктерден қорғауға арналған. Вирусқа қарсы бағдарлама зиян келтіруші бағдарламалардың барлығын тоқтата алмағанымен, шабуылдардың анағұрлым кең тараған түрлерін айқындауға және оларды болдырмауға көмектеседі. Соңғы жаңартуларды әрдайым орнатып, вирусқа қарсы өзекті бағдарламалық жасақтаманы қосып отырыңыз. Сонда құрылғыңызға вирус жұқтыру киберқылмыскер үшін әлдеқайда күрделірек болады.
Қосымша арқылы сатып алуға болатын биржалық нота толығымен батыстағы ETF-ке (биржалық инвестициялық қор – Exchange Traded Fund) ұқсас. Сіз батыстың ETF-ін өзіңіз сатып ала аласыз, бірақ ол үшін сізде айтарлықтай сома болуы тиіс, брокер арқылы шот ашып, оған ақша аударып, ETF акцияларын сатып алу туралы бұйрық беруіңіз керек. Мұндай жағдайда сізде елеулі шығын (ақша аударымы, брокердің комиссиясы) мен оған қоса бастапқы жұмсалым көп болады; сонымен бірге, сіз алатын барлық табысқа Қазақстанда салық салынады.
Биржалық ноталардың құрылымы (Exchange Traded Notes) іс жүзінде ETF құрылымын толығымен қайталайды. Биржалық ноталар сіздің инвестор ретіндегі табысыңызды жергілікті салықтар есебінен азайтпау үшін құрылған.
Осылайша, қазақстандықтарда дағдылы әдіспен инвестициялаудың жаңа баламасы пайда болды, себебі TABYS қосымшасы – сіздің капиталыңызды сақтап, еселеудің жаңа деңгейі.
Биржалық ноталарды сатып алу арқылы сіз қаржы нарығында жеңіл әрі оңай жолмен инвестициялау мүмкіндігіне ие боласыз.
Сатып алуды аяқтағаннан кейін сіз өз шотыңызға биржалық ноталардың енгізілгендігі туралы хабарлама аласыз. Сізге сонымен бірге өз шотыңыздың үзінді көшірмесін алуға мүмкіндігіңіз бар (қосымшадан емес, сіздің шотыңыз ашылған тіркеушіге – AIX Registrar-ға өтініш жасауыңыз керек, мекенжайы: Нұр-Сұлтан қ., Мәңгілік Ел, 55/19).
Тіркеу процесі кезінде қосымшада AIX Registrar бағалы қағаздар тіркеушісіндегі сіздің жеке шотыңыз ашылады. Аталмыш тіркеуші – AIX-тің еншілес компаниясы. Оның негізгі функциясы – шоттарды және бағалы қағаздардың тізілімін жүргізу.
Сіз сатып алған биржалық ноталар аталған тіркеушіде сіздің шотыңызда сақталады. Сіз өзіңіздің биржалық ноталарыңызды сата аласыз, сонымен бірге кез келген уақыта шотты жаба аласыз.
Иә, сіздің биржалық ноталарыңыз – сіздің мүлкіңіз.
Иә, сіздің биржалық ноталарыңыз – сіздің мүлкіңіз. Сондықтан заңнаманың нормаларына сәйкес оны мемлекеттік органдар бұғаттай алады.
Жоқ, биржалық ноталар бойынша табысқа кепілдік берілмейді.
Сіздің биржалық ноталарыңыздың құны базалық активтің бағасының өзгеруіне сәйкес өзгереді. Мәселен, алтынның бағасы өссе, алтынның бағасын бақылайтын биржалық ноталардың да бағасы өседі. Кері жағдайда – егер, мысалы, мұнайдың бағасы құлдыраса, онда мұнай бағасын бақылайтын биржалық ноталардың да құны төмендейді.
АХҚО юрисдикциясында биржалық ноталардан алынатын кез келген табысқа Қазақстанда салық салынбайды.
Егер сіз пайыздар есептелетін биржалық ноталар сатып алсаңыз, олар пайыз төленген күні сіздің картаңызға енгізіледі.
Клиенттердің карталарына купондарды төлеу 1 центтен бастап жүзеге асырылады.
Иә, сіздің биржалық ноталарыңыздың құны төмендеуі мүмкін. Ағымдағы баға немесе сіз биржалық нотаны сататын баға сіз оны сатып алған бағадан төмен болатын жағдай болуы мүмкін.
Иә, жаңа телефонда сіздің қосымшаға кіруіңіз керек болады, барлық деректер қолжетімді болады.
Клиенттерді қолдау сервисінің үш деңгейі әзірленген:
- Help – қосымшадағы бет, ол жерде проблемалардың шешімін өздігіңізден таба аласыз.
- Contact desk – сіз проблемаларды жазып, байланыс мәліметтерін қалдыратын форманы толтыра аласыз. Белгілі бір уақыт ішінде проблеманы қалай шешу керектігі туралы оператордан толық жауап аласыз.
- Мессенджерлердегі автоматты чат-бот сіздің проблемаңыздың шешімін бірден тауып береді.
ҚАЗІР ИНВЕСТОРЛАР САУДАЛАСУДА
ИНВЕСТОРЛАР ӨТКЕН АПТАДА ТАБЫС ТАПТЫ
Инвестициялар – орасан зор қаржылық мүмкіндіктер әлемі, оның кейбір қауіптері де бар. Біз инвестор болу жолыңыздың басында сізге көмектесетін бірқатар кеңестер дайындап қойдық:
Биржалық ноталарға соңғы немесе қарызға алған ақшаны салудың қажеті жоқ. Қайтарымсыз жібере алатын соманы инвестициялаңыз.
Инвестициялық нарықты зерттеу мәселесіне байыппен қараңыз
Сіздің әрекеттеріңіз жүйелі әр жоспарлы болуы керек. Биржалық ноталардың бағасының болмашы қозғалысына бірден ден қоюдың керегі жоқ – бағалар құлдырауы да, сол сияқты өсуі де мүмкін. Бағалардың ұзақ мерзімді – бір жыл, бір жарым жыл ішіндегі өзгерістері маңызды.
Өзіңіздің портфеліңізді әртараптандырған абзал – ақшаны әртүрлі биржалық ноталарға салыңыз. Бүкіл ақшаны бір кәрзеңкеге салудың қажеті жоқ.
Қор нарығы – әрдайым тәуекелдер мен өзгерістер ортасы, шешімдерді өте мұқият ойластырып барып тыңғылықты түрде қабылдау керек, себебі өзіңіздің қаражатыңыз үшін жауапкершілік тек өзіңізде ғана болады.
