Оқыту

Инвестиция — бұл өмір бойы өтетін марафон.

Инвестициялар – бұл жеке тұлға немесе ұйым болашақта қандай да бір кіріс немесе пайда әкеледі деген үмітпен сатып алған активтер. Инвестициялардың мысалдары: акциялар, жылжымайтын мүлік.

Акция – бұл компаниядағы меншік үлесі. Егер сізде акция болса, бұл сізді акционер етеді, яғни сізде дивидендтер алуға, компанияны бақылауға, компания таратылған кезде активтердің бір бөлігіне құқығыңыз бар және сізге тиесілі акциялардың түріне байланысты басқа да құқықтарыңыз бар.

Қор нарығы – бұл әртүрлі компаниялардың акциялары мен басқа да бағалы қағаздарымен сауда жасау үшін сатып алушылар мен сатушылар бірігетін орын.

Биржалық қор (ETF) - инвесторға әртурлі активтерге инвестициялауға мүмкіндік беретін қаржы құралы. Бұл құрал бағалы кағаздардың күй-өзгерісін қадағалайтындықтан, сіз керекті салаға немесе аймаққа инвестициялай аласыз. ETF көмегімен сіз бағалы кағаздардың индексін де кадағалай аласыз, сондықтан жеке акцияларды таңдаудың қажеті жоқ.

Дивиденд – бұл компанияның өз акционерлеріне компания табысынан беретін бір бөлік төлемі. Дивидендтер көбінесе тоқсан сайын қолма-қол ақшамен төленеді. Дивидендтер тек акциялар мен депозитарлық қолхаттар (үлескерлік қағаздар) бойынша төленеді.